Fredi Electronics ka realizuar me sukses një projekt të specializuar në ambientet e Fondit Shqiptar të Zhvillimit në qytetin e Korçës, duke implementuar një sallë moderne konferencash të pajisur me teknologji audio profesionale dhe pajisje komunikimi të avancuar. Ky projekt është konceptuar për të përmbushur nevojat e takimeve zyrtare, prezantimeve dhe sesioneve ndëraktive me cilësi të lartë zëri dhe kontroll të integruar.

Elementët e sistemit të instaluar përfshijnë:

• Mikrofona konference të avancuar, të projektuar për përdorim profesional, me kapacitet për drejtimin e diskutimeve shumëpjesëmarrëse dhe me funksione për përzgjedhje, menaxhim dhe regjistrim të zërit.

• Sistem audio amplifikimi, i përbërë nga përforcues profesionalë të zërit që garantojnë shpërndarje uniforme dhe të fuqishme në të gjithë ambientin e sallës.

• Bokse profesionale audio, të montuara dhe të optimizuara për akustikën e sallës, duke siguruar zë të qartë, pa ndërprerje apo shtrembërime.

• Mikser audio, që mundëson menaxhim të centralizuar të të gjithë burimeve të zërit, përfshirë mikrofona, kompjuterë dhe pajisje të tjera audio-vizuale, me mundësi rregullimi në kohë reale të volumit dhe frekuencave.

• Integrim i plotë i sistemit, me kontroll të lehtë dhe intuitiv përmes një paneli menaxhimi, që u mundëson operatorëve përdorim të thjeshtë dhe efikas gjatë çdo eventi apo takimi.

Kjo sallë e re konferencash përfaqëson një hap të rëndësishëm drejt dixhitalizimit dhe modernizimit të infrastrukturës institucionale në qytetin e Korçës, duke siguruar kushte optimale për zhvillimin e aktiviteteve me pjesëmarrje të gjerë dhe komunikim të qartë ndërinstitucional.